Министерството за земјоделство идниот месец ќе почне со имплементирање на Системот за идентификација на земјишните парцели (СИЗП). Системот како основа користи авионски снимки со кои е покриена целата територија на државата. СИЗП служи за идентификување на парцелите што земјоделеците тековно ги обработуваат и претставува основна алатка за администрирање и контрола преку која ќе се врши проверка на барањата на фармерите за добивање финансиска поддршка од националниот буџет и од ЕУ-фондовите. СИЗП е воедно и предуслов за пристапување на Македонија во ЕУ. Регистрирањето во Системот е задолжително за сите земјоделци кои бараат субвенции. За нивно подобро информирање околу целта и начинот на евиденција МЗШВ ќе спроведе медиумска кампања во електронските и печатените медиуми.
Министерството за земјоделство идниот месец ќе почне со имплементирање на Системот за идентификација на земјишните парцели (СИЗП).
Системот како основа користи авионски снимки со кои е покриена целата територија на државата.
- СИЗП служи за идентификување на парцелите што земјоделеците тековно ги обработуваат и претставува основна алатка за администрирање и контрола преку која ќе се врши проверка на барањата на фармерите за добивање финансиска поддршка од националниот буџет и од ЕУ-фондовите. СИЗП е воедно и предуслов за пристапување на Македонија во ЕУ - велат од Министерството.
Регистрирањето во Системот е задолжително за сите земјоделци кои бараат субвенции. За нивно подобро информирање околу целта и начинот на евиденција МЗШВ ќе спроведе медиумска кампања во електронските и печатените медиуми. Веќе се подготвени и печатени материјали во вид на брошури наменети за производителите каде конкретно е објаснето што значи СИЗП, зошто е потребно да се воспостави, кои се неговите цели и придобивки. Информативните материјали земјоделците ќе можат да ги добијат во подрачните единици на Министерството за земјоделство и во Агенцијата за поттикнување на развојот во земјоделството. За детално информирање е изготвена и посебна веб-страница њњњ.сизп.гов.мк.